Sara:)

HÚN keypti seinustu!!!!

Sat, 01 Nov 2008 23:43:54 GMT

Ég er ekki að gefast upp á því að blogga.. allavega ekki alveg strax, heldur hef ég því miður ekki haft tíma til að blogga fyrr en bara núna....

Það er sko búið að vera nóg að gera skóli skóli skóli og meiri skóli og ég get svo svarið það að ég held að kennararnir mínir haldi að við nemendurnir elskum próf.. eða allavega þá er farið að vera próf næstum á hverjum degi hjá mér8|

Ég er sátt með að þessi vika hafi loksins tekið enda...Það var próf á miðvikudaginn, fimmtudaginn og föstudaginn og eini tíminn sem maður hefur til að læra er eftir 9 á kvöldin þegar maður kemur heim úr skólanum....:$ Þetta gekk nú samt alveg ágætlega held ég....

Það versta við við vikuna var samt að Örn Steinar kom í land aðfaranótt fimmtudagsins og ég hitti hann bara rétt svo í einhverja 2 tíma því ég þurfti auðvitað að mæta í skólann og svo fór hann aftur á fimmtudagskvöldi svo ég sá hann bara rétt svo í eyðunni á milli ármúlatímanna og nuddskólans...:( Frekar fúllt! En ég verð bara að bíða spennt eftir að hann komu aftur í land :haha:

´þessa helgina var skólahelgi... Í gær fengum við konu í heimsókn til okkar sem var að kenna okkur að gera umhverfið cosy fyrir nuddþegann! Hún var semsagt búin með nám í Spa meðferð á Ítalíu og ég verð nú bara að segja það að ég væri sko alveg til í að skella mér í svona;) Hún sýndi okkur fullt af ilmum, olíum og allskins sniðugu dóti og ég get svo svarið það mér leið eins og ég væri orðin 5 ára aftur og langaði að eignast allt "NÚNA Á STUNDINNI":d Hún var einnig að segja okkur að það væru sko fullt af spennandi möguleikum fyrir okkur eins og t.d að vinna sem nuddarar á skemmtiferðaskipum eða jafnvel í flugvélum sem væri bara gaman að prófa... Svo ég og Örn erum búin að ákveða það að við skellum okkur bara á eitt svona skip, ég vinn sem nuddari og hann reynir að fá stöðu sem skemmtikraftur... hehe...:haha:
Í dag ákváðum við nuddhópurinn svo að hafa svona potluck dag:d þá semsagt komu allir með einhvern rétt og svo var bara hlaðborð í hádeginu:d Þetta var bara æði, svo girnilegir réttir og grænmeti, ávextir, brauð og drykkir með og svo dýrindis skúffukaka í eftir rétt8) "Tobba mín þú færð sko gott klapp á bakið fyrir þessa yndislegu hugmynd"

Eftir skóla í dag fórum við mamma svo í afmæli til Trausta litla frænda:d Hann á einmitt 3 ára afmæli á morgun :d Hann er orðinn svo stór þessi elska svo skír og sætur og Ísak litli stækkar líka og stækkar og brosti allann tímann:d Það var ótrúlega gaman að kíkja í smá heimsókn til þeirra "takk æðislega fyrir mig Kristín og Þráinn"

en yfir í annað....

um daginn þá fórum við mamma í krónuna að versla... við förum alltaf í krónuna sem er í sama húsnæði og bakarameistarinn, intersport og húsgagnahöllin upp á höfða... Við versluðum í matinn og svo þegar við komum að kassanum ákvað ég að hlaupa yfir í bakarameistarann á meðan mamma kláraði að versla, bara svona til að kaupa eitthvað með kaffinu;) Þegar ég kem inn í bakarameistarann þá segist ég ætla að fá 4 grófar kringlur... Ekkert mál með það stelpan tekur upp poka og týnir upp 4 grófar kringlur í poka og réttir mér... En þegar ég er að fá pokann í hendurnar þá kemur önnur kona og segir við aðra stelpu sem var að vinna þarna " Já góðan daginn, Bíddu eigið þið engar kringlur???" og þá heyrist í stelpunni sem er að afgreiða " Nei HÚN (og benti á mig) keypti þær SEINUSTU" og svo kom bara þögn og allir fengu störu á mig8| Mér leið eins og ég hefði gert eitthvað hrikalegt af mér... stolið einhverju, eða jafnvel drepið mann!!! ég hugsaði í smá stund hvort ég ætti að gefa konunni kringlurnar til að bjarga mér úr lífshættu en ákvað svo að labba stolt út með kringlupokann minn:lol: hvað er að svona fólki! hahaha....

En núna held ég að þetta sé orðið alltof langt hjá mér...
Kv. Kringlufrekjan....

er til eitthvað sem heitir EXTRA heimilistrygging??

Sat, 27 Sep 2008 22:47:39 GMT

Jæja þá er þessi vika á enda svo ég held það sé kominn tími á annað blogg:haha:

Það er búið að vera brjálað að gera hjá mér þessa vikuna í skólanum eins og seinustu vikur. Fór semsagt í 2 bókleg próf og svo fyrsta prófið í verklegu nuddi próf í klassísku nuddi aftan á fótum og á baki:haha:
Þetta var nú samt ekkert beint próf... allavega fengum við enga einkunn heldur var þetta þannig að nemarnir frá því í fyrra voru mættir á staðinn og voru þau númeruð og við líka og við áttum semsagt að fara fram finna okkar kúnna, bjóða hann velkomin, kynna okkur og fylgja honum að nuddbekknum okkar og útskýra fyrir honum úr hverju hann ætti að fara og hvernig og hvar hann ætti að leggjast:d (þau áttu semsagt að láta eins og þau væru að koma í nudd í fyrsta skipti) og svo eftir nuddið áttu þau að segja okkur hvað væri best hjá okkur og hvað væri ekki að virka....

  Ég var búin að vera svakalega stressuð fyrir þetta próf en þetta gekk barasta fínt hjá mér allavega fékk ég góð comment en ég veit það samt sjálf að ég hefði geta gert þetta mikið betur ef það hefði ekki verið stress í mér.!;)

Ég var búin snemma í skólanum á fimmtudaginn því við tókum bara prófið og fórum, og plönuðum við Sandra að hittast og elda okkur eitthvað gott saman og hafa það cosy;) Við skelltum okkur í Hagkaup og keyptum okkur nautakjöt, grænmeti og piparost til að gera piparostasósu  :haha: Þegar við komum svo að kassanum og ætluðum að fara að borga þetta og biðjum greyið strákinn sem var að vinna að skipta þessu í helming því við ætluðum að borga helming og helming. Þetta kostaði minnir mig 1747 kr og greiið strákurinn frosnaði bara og fékk bara störu út í loftið... Ég og Sandra biðum sallarólegar þangað til strákurinn kippir sér við og segir "Ha já... það er 915" hahaha... við Sandra litum bara á hvor aðra og reyndum að hlæja ekki og réttum honum bara kortin:d
Greiið strákurinn var örugglega alveg búin á því eftir daginn! hehe

núna um helgina þegar það var frí í nuddskólanum þurfti ég að taka námskeið í líkamsbeytingu... Var nú ekkert alveg sátt með að hafa ekki fengið að sleppa bara við þetta þar sem ég lærði líkamsbeytingu þegar ég lá á sjúkrahúsinu á stykkishólmi en auvitað var það ekki nóg svo ég dröslaðist á námskeiðið. Tobba og Auður ( sem eru með mér í nuddskólanum) voru nú þarna líka svo þetta reddaðist nú allt saman:d En mikið svakalega var þetta leiðinlegt!!
Í fyrsta lagi var þetta allt sem Jósep læknirinn minn á stykkishólmi var búinn að fara yfir með okkur en ég verð nú bara að segja það að hann gerði það á aðeins skemmtilegri máta:d Svo ég sat þarna og reyndi að hlusta, kláraði örugglega heila stílabók með því að krassa í hana og leit á klukkuna á mínútu fresti svo þið getið ekki ímyndað ykkur hvað þetta leið bilaðslega hægt! Þetta voru semsagt 3 tímar í gær og 3 tímar í dag!

Örn kom á föstudaginn í einn sólahring... Alltaf svo gott að fá hann svona heim;)
Við vorum nú bara róleg heima að hafa það cosy.... en gaman að segja frá því að ég held að við fáum einhverntíman viðurkenningu fyrir óheppni! Ég er að segja ykkur það að við eigum ekki að umgangast tæki. Ég er semsagt búin að:

- Missa einn símann minn undir bíl sem keyrði svo ofan á símann minn
- fá örugglega svona 3 gallaða síma.....
- Kaupa mér tölvu sem er búin að vera í drasli síðan ég fékk hana.. Búið að skipta um móðurborð eftir að það hrundi og skipta um skjá eftir að hann datt út.
- Fljúga á hausinn í hálku með stafræna myndavél sem ég átti og ég helt á bjór sem helltist allur yfir hana... svo hún varð ónýt.
- Missa eytt stykki sjónvarp í gólfið!! (því ég ætlaði bara rétt að tilla því í rúmið mitt meðan ég var að flytja og henti mér svo í rúmið og sjónvarpið datt niðrá gólf.
- Búin að henda glænýjum Ipod sem við Örn áttum í þvottarvélina.

og ég er alveg örugglega að gleyma einhverju!

En allavegana í gær þá ætluðum við að hafa það svaka cosy opnuðum okkur bjór og ætluðum að horfa á mynd á flakkaranum sem er frekar nýr þegar Örn ákveður að fara að færa sjónvarpið á betri stað... Jújú sjónvarpið slapp heilt út úr þessu en þegar hann færði það kipptist flakkarinn niður af borðinu og VIRKAR EKKI LENGUR8| Ég held að við þurfum einhverja EXTRA heimilistryggingu....!

En yfir í annað....

Eftir skóla í dag ákvað ég semsagt að skella mér heim og vera þar í einn dag. Þegar ég var á leiðinni þá keyrði ég á eftir 8 sæta jeppa og aftur í (þá meina ég alveg aftast þar sem eru bara tvö sæti) voru 3 litlir krakkar hoppandi og skoppandi í sætunum með ekkert belti.. hentu sér yfir sætin til að komast framar í bílinn og svo aftur til baka! Váá hvað ég varð pirruð að fylgjast með þessu, hvað er að svona fólki??? :^)

En jáhh þetta er orðið alltof langt hjá mér svo ég ætla að segja þetta gott í bili...
Kveðja frk. Misheppnuð!

Loksins á réttri braut í lífinu:)

Sun, 21 Sep 2008 16:44:17 GMT

jæja elskurnar mínar... fyrst að Ragga og Dabbi eru farin út aftur og Snædís flutt til bandaríkjanna þá ætla ég að gera enn eina tilraunina til að blogga 8|

Það er nú ansi margt sem hefur gerst og breyst síðan ég bloggaði seinast en ef ég ætlaði að fara að segja frá því öllu sem ég er búin að vera að gera þá væri það nú bara allt of langt og enginn mundi nenna að lesa þetta.

En út í annað:)

Í sumar komu Ragga, Dabbi og Mikael Ingi í heimsókn á ísland og voru hérna í allt sumar! Það var bara æðislegt að hafa þau og geta fylgst vel með litla krúttinu. En mikið rosalega var erfitt að kveðja:cry:

Í ágúst þá hætti ég að vinna í leikskólanum á Blönduósi. Ég tek það fram að það var mjög erfitt að þurfa að kveðja vinnuna og öll þessi litlu krútt sem maður er búin að vera að vinna með seinasta árið en svona er þetta þegar maður ætlar sér eitthvað annað:$

Í byrjun ágúst fluttum við svo í nýtt hús upp á brekku:d Stórt og gott einbýlishús með risa garði, bílskúr, nuddbaðkari, nýinnréttuðu eldhúsi og mörgu öðru:haha: Sem er auvitað bara mjög cosy.

Ég var ekki komin með nóg af utanlandsferðum eftir að hafa farið tvisvar til Kaupmannahafnar á árinu svo ég skellti mér til Mallorca 6.ágúst (daginn sem Ragga systir átti afmæli) með Erni og fjölskyldunni hans í tvær vikur á hótel sem heitir Alcudia Pins og er mitt á milli tveggja bæja Alcudia og Can picafort :d Þetta er æðislegur staður! Þú labbaðir úr hótelgarðinum og varst þá komin beint út á hreina og fína ströndina þar sem var hægt að fara á bananabáta, láta draga sig í fallhlíf eða á slöngu eftir bát, alskonar siglingar og fleira:lol:
Það var líka rosalega mikið að gerast á hótelinu allan daginn og fyrir allan aldur og svo á kvöldnin voru alltaf einhver skemmtiatriði.
    Við tókum bílaleigubíl einn daginn og keyrðum um eyjuna og fórum í dýragarð og fleira sem mér fannst rosalega gaman þar sem ég hef aldrei farið í dýragarð erlendis áður.
    Auðvitað var svo líka djammað og kynntumst við nokkrum íslendingum þarna sem við skelltum okkur með út á djammið!8) Þetta var semsagt bara æðisleg ferð!:lol:

Þegar við komum svo heim á klakann aftur þá var komið að því að byrja í nýja skólanum:) Ég semsagt ákvað að hætta að vinna á leikskólanum og flutti suður einn vetur til að fara í nuddskóla íslands. Þá er ég á nuddbraut í Ármúlanum og í verklegu tímunum upp í nuddskóla þriðjudags-, miðvikudags- og fimmtudagskvöld- aðra hverja viku frá 17-20:45 og þriðjudags-,miðvikudags- , fimmtudags-, og föstudagskvöld frá 17-20:45 plús laugardaga frá 9 - 16:30 hina vikuna á móti.
    Það er semsagt alveg nóg að gera hjá mér 14 einingar í dagskóla 3 einingar í fjarnámi og svo þessi kvöldskóli svo ég geri voða lítið annað en að vera í skólanum og læra heima þessa dagana:$

Annars verð ég nú að segja það að ég held að ég sé algjörlega komin á mína réttu braut í lífinu. Nuddnámið er bara æðislegt! Þetta er svo gaman að ég veit bara ekki hvernig ég á að lýsa þessu! Þarna erum við 23 sem erum komin til að læra nudd og er þetta bara æðislegur hópur og á öllum aldri og með alskonar nám að baki.:d Þetta er alveg ótrúlega samheldinn hópur:d Svo eru kennararnir æðislegir og námið alveg ótrulega spennandi. Vissi ekki að nám gæti verið svona spennandi:d
Ég keypti mér nuddbekk um seinustu helgi svo nú er ég alltaf að æfa mig heima og endilega ef ykkur vantar nudd hafiði þá samband8)

Fyrir þá sem ekki vita þá skellti mamma sér með mér suður og er líka í Ármúlanum að læra lyfjatækninn og líkar það bara rosa vel:d Við búum saman í Grafarvoginum sem er bara mjög fint! Rólegt og gott kverfi fyrir svona fólk úr sveitinni eins og okkur8)

Lífið í Reykjavík er semsagt bara búið að vera ágætt:d Búið að rigna stanslaust seinustu daga svo ég bíð spennt eftir að geta silgt í skólann svo maður geti nú eytt peningnum í eitthvað annað en bensín8)

Örn er enn úti á sjó og kemur alltaf á öðruhvoru í land og er þá oftast hjá mér:d

En núna er þetta komið gott í bili.
nuddneminn kveður:d

Komin aftur eftir smá pásu

Sun, 30 Mar 2008 20:13:48 GMT

Er annars ekki alltaf best að blogga þegar maður á að vera að læra.... Þá er maður allavega til í að gera allt annað en það sem maður á að vera að gera:$

Annars er ég búin að vera svo dugleg að læra þessa helgina að ég á skilið að gera eitthvað skemmtilegt í sma stund... Ekki að það sé eitthvað bilað gaman að blogga en allavega skárra en að lesa lífræna efnafræði um Alkana, Alkena, Alkyna ísómera og svoleiðis bull... Er einhver sem kann þetta8|?? Mig bráðvantar hjálp!

Það er svo langt síðan ég hef bloggað að ég er ekki einu sinni búin að blogga og monta mig á litla prinsinum sem Ragga systir og Davíð eignuðust 3.mars:d Hann er svo fallegur! Það er búið að nefna hann og fékk hann nafnið Mikael Ingi Davíðsson:d "ENN OG AFTUR TIL HAMINGJU ELSKU RAGNHEIÐUR OG DAVÍÐ:d"

Ég og Örn Steinar fórum til Köben um páskana til að skoða krúttið og hitta Röggu og Dabba og var það auðvitað bara gaman! Við stoppuðum í viku og var auðvitað verslað eitthvað í leiðinni8) Ég verð nú líka að segja það að það var bara æðislegt að fá að hafa Örn samfleitt í 2 vikur:lol: Enda hann búinn að vera á fullu á sjónnum og farinn aftur.....

Ég get ekki beðið eftir að Ragga, Davíð og Mikael Ingi komi til landsins í sumar! :) sakna þeirra alveg brjálaðslega...:$

En Mikael var ekki eina krúttið sem fæddist í mars mánuði heldur eignuðust Vilhelm og Elín líka lítinn prins 13.mars sem er líka alveg æðislegur. "Til hamingju Vilhelm og Elín" :d

Annars er voða lítið að frétta... Ég er bara komin með smá námskvíða því mér finnst ekkert ganga í þessari blessuðu lífefnafræði og ég veit ekkert hvernig ég á að koma henni inn í hausinn á mér....:S Vonandi á þetta allt eftir að ganga fyrir rest.

Ég er búin að ákveða það að ég ætla að fara á nuddbrautina næsta vetur:d Annars veit ég nú ekki alveg hvernig það á eftir að vera að hætta í leikskólanum... Held það eigi efir að verða mjög erfitt... á eftir að sakna barnanna svo og auðvitað líka starfsmannana... Það er svo yndislegt að vinna með þeim:d En svona er þetta víst... maður getur víst ekki gert allt í einu...

En jæja ætla að fara að halda áfram að læra!

Bæ í bili....

úff.....

Mon, 11 Feb 2008 22:15:12 GMT

Úff hvað ég stend mig alltaf vel að blogga.... ég ætti að fá svona blogg verðlaun8)

Ég ætla nú samt að óska henni Röggu systir minni til hamingju með að vera búinn með skólann:D " Til hamingju dúllan mín og eins með einkannirnar þínar mamma sagði mér og þetta er bara snilld! Þú ert snillingur dúllan mín"

Ég nenni nú ekki að telja upp allt sem ég hef gert síðan ég kom af stykkishólmi en hér kemur nú samt eitthvað!

Sjúkrahús vikan endaði ekkert svakalega vel þar sem ég var pínd fram í rauðan dauðann þarna næst seinasta daginn þegar ég þurfti að fá 8 sprautur í bakið! Dabbi hennar Röggu var nýbúinn að hughreysta mig fyrir sprautuna og segja að hann hefði bara fengið 2 sprautur og bara ekkert fundið til.. Svo kom ég inn... lagðist á bekkinn, læknirinn sem er svona líka svakalega hress skellti hressri tónlist í og einhver kona strauk axlirnar á mér allan tímann... En svo endaði þetta bara í 8 sprautum og jáhh ég get nú ekki sagt að ég hafi ekki fundið neitt til mikið ógeðslega var þetta vont! ég hef aldrei verið sprautuhrædd og var það ekki þarna en váá ef ég þyrfti að fara í svona aftur þá myndi mér kvíða fyrir....

Þegar ég vaknaði LOKSINS á föstudaginn daginn sem ég var búinn að bíða eftir alla vikuna, dagurinn sem Örn ætlaði að ná í mig og við fara suður þá voru fyrstu fréttirnar sem ég fékk þær að það væri ömurlegt veður út um allt land og heiðin væri lokuð svo Örn kæmist ekki suður að ná í mig og ég væri líklegast veðurteft á Sjúkrahúsinu á stykkishólmi!!! sjæjse.... þið hefðuð ekki vilja vera nálægt mér þegar ég frétti þetta .... En þetta reddaðist allt þar sem ég á þrjóska elsku sem kom sér í gegnum heiðina á BMW:haha: En ég reddaði mér semsagt fari í borgarnes með fólkinu sem lá inni á spýtalanum með mér og þar hitti eg svo Örn:haha:

úff þið getið ekki ýmindað ykkur hvað það var mikill léttir að sleppa út og vita það að ég þarf ekki að fara inn aftur.... Ég og Örn fórum semsagt suður og þar sem var bóndadagur þá bauð ég honum á hótel svo við gætum haft það cosy 2 saman... Enda ekki oft sem við hittumst!

Daginn eftir tókum við svo Önnu Rakel og hún kom með okkur norður og var hjá okkur í nokkra daga:haha: Ótrúlega gaman að fá þessa dúllu í heimsókn til okkar... Hún er búin að stækka svo mikið og það sem kemur upp úr þessu barni "bara æði!":D

En yfir í annað.....

LOKSIN kom almennilegur vetur á Íslandi... ég væri nú samt alveg til í að það færi að koma meiri snjór hérna fyrir norðan.... langar svo að það fari bara gjörsamlega allt á kaf!

Það er búið að vera svo mikið um vind.... Og það brekst ekki alltaf þegar Örn kemur í land þá er alltaf ömurlegt veður og ömurleg færð norður.... Hann kom t.d heim á fimmtudaginn seinasta og þá voru þeir heila 14 TÍMA á leiðinni norður frá Grundarfyrði.... Þeir voru reyndar fastir í einhvern tíma í Borgarnesi en samt þurftu þeir að keyra á 15-20km hraða sumstaðar..... En Það var samt alveg ótrúlega fínt að fá hann heim og ég fékk að hafa hann heima alveg þangað til í gær bara útaf veðrinu:haha:

Í gær þegar hann fór hélt ég semsagt að hann væri að fara í stuttan túr og kæmi heim aftur á fimmtudaginn en þegar hann kom um borð var honum sagt að þeir yrðu líklega úti ok kæmu í stutt stopp bara á fimmtudaginn (semsagt geta ekki komið norður) og eru svo farnir strax út aftur og verða fram á fimmtudaginn 21:whut:!! Mig sem langaði svo að fá hann heim á valentínusardaginn!

Annars er bara voða lítið að frétta af mér.... ligg bara heima í leti og hef ekkert að gera... Nenni samt engan veginn að blogga meira svo ég ætla bara að kveðja í bili....

Hafiði það gott:haha:

Jáhh það getur sko fokið í mig:)

Wed, 23 Jan 2008 22:23:37 GMT

Halló halló:lol:

Það er sko alltaf eitthvað nýtt frá Stykkishólmi plús nægur tími til að blogga :lol:

Já ég lendi alltaf í einhverju skemmtilegu þegar ég kem hingað....:$ Í dag byrjaði dagurinn voðalega skemmtilega, þar sem við vorum búin að vera á fastandi síðan í gærkvöldi og máttum ekkert borða þangað til við vorum búin að fara í blóðprufu...... Ég fór semsagt niður í blóðprufu þar sem var tekið frekar mikið blóð.... Ekkert mál með það svo ég skoppaði bara upp stigann... Svo ætlaði ég að fara að fá mer vatn þegar ég allt í einu hætti að sjá vatnsvélina.... Á sama tíma sagði einn maðurinn sem er hérna " jæja stelpur er búið að dæla blóði úr ykkur?" og ég var fljót að svara og sagði "JÁ OG MÉR LÍÐUR EITTHVAÐ SKRINGILEGA" og svo hrundi ég bara og einhver greip mig hehe... Sjæse hvað ég skammaðist mín! Það hefur semsagt tvisvar sinnum liðið yfir mig á æfinni og í bæði skiptin hérna á Stykkishólmi:haha::$

Annars var alveg nóg að gera í dag. Fyrirlestur, Sund, og sjúkraþjálfunartímar.... Í dag fékk ég að vita að ég á að mæta í bogaliðssprautu á morgun... Ég veit ekki alveg hvernig hún er en ég veit það bara að maður getur orðið aumur, rauður í kinnum eftir hana og sofið illa næstu 2 daga eftir....En mér er slétt sama um það ef þessir verkir hverfa:D

Það er nú líka rosa gaman að segja frá því að borgarfólkið hérna er að slá í gegn í landafræðinni.... Einn maðurinn stóð út í glugga í dag og sagði frekar hátt að hann sæi Kirkjufellið sem er semsagt fjall hjá Grundafirði... Karítas greyið missti alveg andlitið og var fljót að segja frá því að Grundafjörður væri nú eiginlega akkurat í hina áttina plús það að það var alveg ómögulegt að sjá fjallið:haha:

Mig er nú alveg farið að hlakka smá til að koma heim.... ég er orðin smá þreytt á því að vera hérna og smá pirruð eitthvað líka... kannski það sé bara útaf því að það er verið að vinna í bakinu... Það fer einhvernveginn allt í mig! t.d þegar ég var að horfa á handboltaleikinn hérna áðan þá var ég að verða vitlaus á því hvað maðurinn við hliðina á mér gat tuðað mikið... hvað hann gat tuðað frá upphafi yfir því hvað handboltaliðið væri lélegt og hvað ólafur væri nú lélegur.... 8| Hvað er að okkur íslendingum stundum...??? Við getum endalaust tuðað yfir ef illa gengur og við getum endalaust sett út á landsliðin okkar!! Hvernig væri að hugsa smá um hvað við erum sjálf! Mig langaði helst bara að standa upp teypa fyrir munninn á honum og segja "hvað getur þú sagt, þeir eru allavega ekki lokaðir inn á BAKDEILD EINS OG ÞÚ OG ÉG"

Jáhh svona getur fokið í mig:$ En allavega áfram Ísland! Ég hef allavega trú á þessum strákum! Auðvitað er erfitt að keppa dag eftir dag á svona erfiðu móti! Og ég hef svo oft hugsað hvernig ætli sé að vinna undir þessari pressu... Fólk gerir svo allt of miklar væntingar t.d til hans Óla...:$ ég dauðvorkenni þessum strák!

En jáhh nóg af reiði.... ufff maður fær stundum alveg útrás á því að skrifa hérna...

En jæja held þetta sé komið alveg nógu langt í dag.... aldrei að vita nema ég bloggi bara aftur á morgun en þá verð ég sko Örugglega með enn meiri heimþrá því þá verður Örn kominn í land!

Reykvíkingarnir að farast úr veðurhræðslu:)

Tue, 22 Jan 2008 21:48:57 GMT

jæja það er sko alveg nógur tími til að blogga þegar maður er á nunnuspýtala:lol: Jáhh fyrir þá sem ekki vita þá er sko allt morandi af nunnum hérna þær eru sko í tonnavís;) Neinei segi svona en hérna eru nú samt nokkrar gamlar og góðlegar nunnur...:D Voða krúttulegar allar saman....

Ég verð nú samt að viðurkenna að mér fannst nú svolítið fyndið að þegar ég var búin í sjúkraþjálfun í gær og kom fram úr herberginu þar sem sjúkraþjálfarinn var að skoða mig og meta hvað þyrfti að gera þá var ein gömul nunna á hlaupa hjóli;)"Ekkert smá spræk sú!"

Lífið hérna er sko allt annað en seinast þegar ég var hérna.....:D Þvílíkur munur að hafa eina svona hress og fína stelpu sem er líka á aldri við mig!

Dagurinn í dag byrjaði svona líka rosalega skemmtilega.... Hérna þurfti hver og einn að spræna í glas og skila inn og svo var komið að sundlaugaleikfiminni..... Jáh það er sko saga að segja frá því.... Þannig var að ég og Karítas vorum bara búnar að klæða okkur í útifötin og vorum bara að fara að rölta út þegar hitt fólkið sem er með okkur hérna (Ég tek það fram Reykvíkingar:haha:) spurðu okkur hvort við ætluðum virkilega að fara að hætta okkur út í þetta veður....8| Það væri sko ekki stætt úti! og ljósastaurarnir væru bara á fleygiferð!

Okkur fannst þetta´veður nú bara frekar venjulegt eitthvað ( jújú smá rok en samt ekkert neinn fellibilur eins og það hefði mátt halda ) Svo við skelltum okkur út og röltum út í sundlaug! það var smá hvasst fyrir utan sjúkrahúsið en svo var bara enginn vindur eða allavega mjög lítill restina af leiðinni!:D Svo við mættum bara tvær frá bakdeildinni í sundlaugaleikfimina þennan daginn og svo mættu tvær konur sem búa í bænum;) Þetta var voða hressandi og gott.....

Í dag var nóg að gera.... eftir sundlaugaleikfimina fórum við upp á sjúkrahús og fengum okkur morgunmat fórum svo til sjúkraþjálfara þar sem hún fór með mér í gegnum enn fleiri æfingar og svo var farið upp og borðað þessar líka fínu kjötfarsbollur.... Eftir mat var svo komið að slökuninni....:haha: Hún er alltaf voða cosy maður liggur bara á dýnu með teppi og kodda og svo er spiluð slökunartónlist og einhver hjúkka að segja manni hvað maður a að gera...

Eftir slökunina fór ég svo beint niður í sjúkraþjálfun... Svo var fyrirlestur hjá lækninum hérna, svo þurfti ég að fara í viðtal hjá konu hérna á spítalanum sem er held ég sálfræðingur, svo fór ég á fyrirlestur hjá hjúkkunum og svo eftir það er ekkert búið að gerast nema bara kvöldmatur..... Við Karítas erum semsagt búnar að vera svaka hressar hérna þar sem við liggjum bara í sjúkrarúmunum okkar, lærum eða eitthvað og sofum til skiptis.... Voðalega rólegt líf....:$

Ég var nú samt ekkert alltof hress í dag þegar ég vissi að ég mundi missa af handboltaleik dagsins.... þar sem íslendingar mættu þjóðverjum:$ En því miður töpuðu þeir honum greiin:$ Jæja þetta hlýtur að koma næst hjá þeim.... þeir eiga nú alveg skilið að fara að vinna einn leik... komið nóg af tapi!

oooo... þið getið ekki ímyndað ykkur hvað mig er farið að hlakka til þegar Örn kemur í land og þegar hann kemur hingað að ná í mig, að fá hann heim í viku og vera búinn að vinna í bakinu:haha: þetta getur bara ekki endað betur:haha: Mig er líka bara farið að hlakka svo til að koma aftur heim fá almennilegan mat sofa í almennilegu rúmi og fara aftur í vinnuna... Er alveg farin að sakna vinnunar:$ Hvernig ætli þetta verði þegar ég þarf að hætta til að fara í skóla... úfff....

En jæja... ætli lesi ekki smá í lífrænni efnafræði áður en ég fer að sofa....

Hafiði það gott elskurnar:lol:

Grænmetisbuff, sundlaugaleikfimi og hart sjúkrarúm....

Mon, 21 Jan 2008 17:36:03 GMT

Halló halló:lol:

Jæja... hef nú ekkert verið að standa mig eitthvað super vel með þetta blessaða blogg mitt en svona er þetta þegar það er ekki mikið að gerast hjá manni þá er ekkert til þess að blogga um.....

Ekki núna um helgina heldur seinustu fórum við Ragga Ólafs með stelpurnar í 4.flokk á Sauðárkrók þar sem þær kepptu í norðurlandsriðlinum á íslandsmótinu innanhúss eða Futsal eins og það kallast eftir að reglunum var breytt....;) Stelpurnar stóðu sig bara mjög vel þar sem þær unnu einn leik, gerðu eitt jafntefli en töpuðu tveim....

Mánudaginn eftir það fór pabbi með Kristófer afa norður a akureyri þar sem hann fór í aðgerð á mjöðminni.... aðgerðin gekk mjög vel svo pabbi fór aftur á Akureyri í gær og náði í hann svo nú er hann kominn heim í sveitina:haha:

Örn kom svo heim á fimmtudaginn svo fimmtudagurinn var rosa góður:haha: En því miður var stoppið stutt því hann þurfti að fara aftur á föstudagsmorgun....:S

Um helgina var svo bara farið í klippingu og litun (er nú enn ljóshærðari) , skellti mér svo smá á krókinn með múttu og svo var komið að sunnudeginum.... Ég byrjaði snemma á sunnudeginum þegar eg var með stelpurnar í 3.flokk á íslandsmótinu.... Þær stóðu sig ROSA vel og unnu alla leikina nema eitt svo þær enduðu í fyrsta sæti með Þór frá Akureyri en því miður komust þær áfram á markatölunni:$ " En til hamingju með þennan árangur stelpur mínar stóðuð ykkur ekkert smá vel" :haha:

Eftir mótið keyrðu mamma og pabbi mér svo á stykkishólm... jáhh ég var víst kölluðu inn aftur í seinustu viku svo ég varð að drífa í þessu.... Ég var búin að vera með í maganum yfir að ég yrði aftur lang yngst eins og seinast en þegar við vorum komin inn á herbergið þá kemur hjúkkan inn og segir jæja þú færð eina unga með þér núna! Og ekki nóg með að hún hafi verið ung heldur var þetta Karítas sem er frænka Dabba hennar Röggu:haha: Og er hún einmitt 20 ára í dag:haha:

Annars byrjar vikan hérna voða rólega.... Við vöknuðum snemma eftir Lúxus nótt í harða sjúkraríminu með harða koddanum og löbbuðum út í sundlaug þar sem við byrjuðum morguninn á sundlaugarleikfimi! Mér finnst alltaf eins og ég sé orðin gömul kona þegar ég mæti í þessa tíma;) Svo var farið upp á spýtala aftur . Þá fór ég í viðtal til hjúkkunnar, fékk mér morgunmat, fór í viðtal til læknis og fór í einn tíma hjá sjúkraþjálfara og svo kom aðallæknirinn og talaði við okkur og svo var komið að því að borða hádegismat.... Ég var svoooo heppinn að ég fékk "YNDISLEGA" grænmetisbuffið sem ég fékk annanhvern dag í 3 vikur seinast þegar ég var hérna... þegar það var fiskur í matinn hjá hinum ! OJJ hvað þetta er Ógeðsleg:D Svo fór ég bara í annan sjúkraþjálfunartíma og skellti mér svo út í sjoppu með Karítas....

Svo erum við eiginlega bara búnar að vera að hanga og gera ekki neitt!....

En jæja... nenni enganveginn að hafa þetta blogg lengra....

Hafiði það gott!

Kveðja Sara Lind:haha:

GLEÐILEGT ÁR:)

Fri, 04 Jan 2008 22:55:10 GMT

Komiði sæl og GLEÐILEGT ÁR:lol: *2008*

Það er frekar langt síðan ég bloggaði seinast enda nóg búið að vera að gera.... Prófin tóku enda og gengu bara mjög vel, Ragga og Dabbi komu heim frá Danmörk, Sandra kom frá Reykjavík og Örn kom heim af sjónum8)

Það var alveg ótrúlega gott að fá alla heim svona rétt yfir jólin!

Jólin voru mjööög góð hjá mér. Borðaði rosa góðan mat og fékk mjög flottar jólagjafir:D Það er nú svolítið skemmtilegt að segja frá því að ég og Örn gáfum hvort öðru sömu jólagjöfina án þess að vita af því;) Við gáfum hvort öðru gjafabréf frá Icelandair svo nú förum við að fara út saman!:D Svo fékk ég líka geggjaða hálsfesti frá honum:D Ég fékk líka fullt af öðrum gjöfum.....mjög flott föt, geisladisk, úr, fullt fullt af flottu bað og snyrtidóti, eitthvað inn á heimilið, myndaramma, leðurveski, ilmvatn, nammi og fullt meir af flottu dóti:D Þegar við vorum búin að borða og opna pakkana og vera smá tíma saman við fjölskyldan fór ég upp á brekku og hafði það gott með Erni og fjölskyldunni hans:D

Á jóladag var svo matarboðið upp í sveit:haha: Það er nú alltaf jafn gaman að koma þangað og hitta alla saman.... Örn fór auðvitað með mer og voru Gunna, Ingþór, Kristinn, Siggi, Kristófer Þór, Kristrún og Isis hundurinn þeirra þarna. Hrefna, Kobbi, Kristín, Þráinn og Trausti litli, Erla, Óli og Haukur Ingi litli voru líka mætt og svo við öll í fjölskyldunni minni ég, Örn, Ragga, Dabbi, mamma, pabbi, Kristófer, Elín Ósk, Kristvin Máni og Casper hundurinn þeirra:D Svo voru auðvitað Afi í sveitinni og Gutti hundurinn hans á svæðinu:haha: Þarna borðuðum við dýrindis mat eins og alltaf:haha:

Seinnipartinn var svo matarboð heima hjá Erni og var þá auðvitað líka mjög góður matur.... Þá var haldið áfram að borða og borða og svo fórum við Örn, mamma hans og systkini í sma göngutúr í góða veðrinu svona rétt til að búa til smá pláss fyrir eftirmatinn:haha:

Annan í Jólum þurfti Örn svo að fara út á sjó aftur..... Ég fór þá í matarboð hjá afa á húnabraut með mömmu og pabba! Þar fáum við líka alltaf rosa gott hangikjöt og svo eftirmat á eftir:D

Jáhh það er sko endalaust borðað um jólin.......

Ég vann 2 daga í jólafríinu og voru mjög fá börn í leikskólanum þá tvo daga.....

29.des var svo fyrirtækjamótið í fótbolta! Þetta er alltaf jafn skemmtilegt mót og við stelpurnar tökum alltaf ´þátt á hverju ári bara til þess að vera með þótt við eigum ekkert í liðin sem keppa á móti okkur:haha:

30.desember kom svo Örn Steinar heim:haha: Þann dag var alveg snar vitlaust veður og þurfti björgunarsveitin hérna að sinna nokkrum útköllum! Í þessu brjálaða veðri fuku þök af húsum, rafmagnsstaurar brotnuðu og aumingja jólatréð við kirkjuna brotnaði:$

31.des var svo auðvitað gamlársdagur..... Ég og Örn vöknuðum snemma með Kristvin Mána og var nú aðeins dekrað við litlu dúlluna:D Svo var bara gert allt klárt fyrir áramótin...... Um kvöldið borðuðum við svo mjög góðan mat og höfðum það gott.... Elín og Kristófer voru heima hjá okkur og Örn Steinar kom um leið og hann var búinn að borða með fjölskyldunni sinni og horfði á skaupið með okkur;) Eftir skaupið komu svo fjölskyldan hans og fjölskyldan hennar Elínar og við fórum öll út og skutum upp saman og fórum svo inn og héldum smá áramótaparty:haha: Sandra og Gissur komu svo yfir og við fórum svo öll saman á áramótaballið!:D Ballið byrjaði mjög vel þrátt fyrir að það var meirihlutinn þarna 16 ára krakkar en var nú ekkert allt mjög skemmtilegt..... Svo við fórum bara heim:D

Annars er árið búið að byrja frekar illa..... Þegar ég ætlaði að knúsa múttu Gleðilegt ár þegar klukkan var rétt um 00:00 þá flaug ég á hausinn í hálkunni og skall niður og bjórinn minn helltist yfir mig alla:haha: haha þetta var nú samt alveg mjög fyndið! Svo 2.janúar tókst mér að sofa yfir mig í fyrsta skiptið í vinnunni, sem var mjöööög óþægilegt.... :$ Og þann sama dag þurfti Örn að fara útá sjó aftur.....

En ég verð nú samt að segja ykkur frá því hvað hann er nú sætur..... Í dag þegar eg var að klára að vinna og ætlaði að fara í skónna mína beið mín rósavöndur í skónum mínum og umslag sem stóð á Sara.... Þá hafði Örn hringt í einhvern og beðið um að koma þessu til mín því hann er úti á sjó:D Ég vissi ekkert hvernig ég átti að vera þegar ég las kortið roðnaði bara í klessu og átti ekki til orð"TAKK ÆÐISLEGA FYRIR MIG ÁSTIN MÍN!!! ELSKA ÞIG:haha:"

'Eg og Helga ætluðum svo að vera rosa duglegar í dag og gerðum aðra tilraun til þess að fara í ræktina saman en auðvitað var hún þá lokuð:$ Svo við tókum bara smá rúnt og svo var bara púlað í bílskúrnum á tækinu þar:haha:

En jæja ég held að þetta sé komið meira en nóg....

Hafiði það gott:haha:

Sara Lind

Miljónamæringur í ellinni:)

Mon, 03 Dec 2007 19:51:35 GMT

Hellú Hellú:lol:

Jæja þá eru prófin byrjuð.... Fyrsta prófið var í dag, það var þýska 303! Ég var búin að sitja sveitt yfir skólabókunum alla helgina... Bæði að læra fyrir þetta þýskupróf og svo þurfti ég að klára fullt fullt af verkefnum í félagsfræðinni sem ég var bara að fá send fyrst í seinustu viku!:( Ekkert smá löng svörin við þessum spurningum veit ekki alveg hvernig ég á að fara af því að gera þetta allt.... En þetta hlýtur að reddast;)

Rétt áður en ég fór í prófið í dag þá skoppaði inn um bréfalúguna launaseðill:D Mér brá nú frekar mikið þegar ég sá hvað frádrátturinn var mikill en þegar ég skoðaði það nánar þá tók ég eftir því að ég borga tvöfallt í lífeyrissjóð! Þegar ég hugsaði aðeins lengra þá mundi ég skyndilega eftir þeim degi sem ég var á röltinu í kringlunni með krökkunum þegar þessi líka rosalega "skemmtilegi" maður kom upp að okkur og bað okkur um að skrá okkur í einhvern lífeyrissjóð. Ég vissi nú ekki alveg beint hvernig þetta virkaði og reyndi að spurja hann eitthvað út í þetta en hann flýtti sér svo svakalega með þetta að hann vildi helst bara að við skoðuðum bækling sem hann var með um þetta þegar við kæmum heim en mundum nú samt skrifa undir hjá honum fyrst. Við ætluðum nú bara að fara að labba í burtu en maðurinn bara gaf sig ekki fyrr en við skrifuðum undir.... :evil: JÁhh það borgar sig nú ekki að skrifa undir hvað sem er áður en maður veit hvað það er:haha:

:haha:* Ég semsagt er að borga einhvern 15.000kr í lífeyrissjóð og ætla mér að verða rík í ellinni og lyfa lífinu með STÆL! *:haha:

Á morgun er ég að fara í efnafræðipróf.... mikið svakalega finnst mér efnafræði leiðinleg! Ég er líka óeðlilega léleg í þessu blessaða fagi en það er kannski bara því ég hef enga þolinmæði til þess að læra svona leiðinlegt.......

En ekki meir í bili! ætla að fara að læra:haha:

Kveðja miljónamæringur framtíðarinnar:haha:

Mikið að gera:)

Sun, 02 Dec 2007 01:46:24 GMT

*Hæj elskurnar mínar*:D

Ætla að skella inn nokkrum línum svona rétt á meðan ég tek mér smá pásu í lærdómnum...... Fjörið er semsagt byrjað búin að liggja á kafi í bókunum og eins heil og ég er þá er ég strax farin að finna svakalega til í bakinu:( "þetta er svoooo sárt"! Hata að vera svona..... ég er RUSL!

Helgin er búin að vera mjööög fín....! Örn Steinar kom heim á fimmtudaginn og sem betur fer var veðrið það brjálað að þeir fóru ekkert aftur útá sjó fyrr en um hádegi í dag:D Nú þarf bara að bíða fram á fimmtudag og nota tímann eins vel og eg get í það að læra á meðan og svo er kallinn bara kominn í vikufrííí:haha: þetta á bara eftir að verða *ljúft*:D

Í dag er búið að vera ótrúlega mikið eitthvað að gera..... Ég vaknaði kl 8 þegar Örn fór og dreif mig þá í sturtu, tók skóladótið mitt til og fór og hitti Hrönn og Margréti út í skóla og lærði með þeim:D Það var rosa fínt að læra þar enda ekkert sem maður getur freystast í eða neitt.... Við fórum svo út í bakarí í hádeginu og fengum okkur að borða og svo var bara farið út í skóla og lært... Ég fór svo heim og lærði í smástund þar því Kristófer,Elín og Kristvin Máni voru að koma og mig langaði svo að vera heima þegar þau kæmu:D Klukkan hálf 3 þurfti ég svo að fara niður í leikskóla því í dag var opnunarhátíð og var nýja álman formlega opnuð:haha: Það kom fullt af fólki og bæjarstjórinn og Jóhanna leikskólastjóri sögðu nokkur orð og svo fékk leikskólinn gjafir frá bæjarstjórninni og foreldrafélaginu:D Eftir þetta sungu svo krakkarnir á elstu tveimur deildunum nokkur lög og svo mátti fólk bara skoða sig um og voru þarna fullt af gömlum myndaralbúmum, myndum sem krakkarnir höfðu málað og svo voru sýnd myndbönd og eitthvað fleira og voru auðvitað smá veitingar á staðnum:haha: Þetta gekk bara rosa vel og verð ég bara að segja "TIL HAMINGJU MEÐ DAGINN":D

Eftir þetta var svo bara farið heim og lært enþá meira þangað til Kristófer bauð okkur öllum (mér,Elínu og Kristvin Mána) út að borða á "Potturinn og Pannan" :D Ég fékk mér pizzu sem var rosalega góð! "Takk fyrir mig elsku brósi"8)

Klukkan 22 fór ég svo heim til Hrannar og fékk mér einn bjór með henni, Elfu, Margréti og Guðrúnu.... En þær eru einmitt allar nema Guðrún líka á kafi í prófum;) Það var bara fínt að hitta þær í smástund þótt ég stoppaði nú bara í klukkutíma því ég þurfti svo að halda áfram að læra...:$

En það er víst kominn nýr dagur núna svo ég ætla að nota tækifærið og óska Sísu til hamingju með 50 ára afmælið í dag:haha: (2.des) og Sigrúnu Erlu til hamingju með 21 árs afmælið sitt í gær (1.des):D Og Völu til hamingju með 20 ára afmælið sitt 29.nóvember! "TIL HAMINGJU ALLAR ÞRJÁR":D

En held þetta sé komið gott í bili8)

*Góða nótt*

Leiðinleg vika og ekki skárri vika framundan!:(

Wed, 28 Nov 2007 18:49:13 GMT

*Hvaða tegund af steik ert þú8|???*

Aaaa.....þetta eru nú meiri snillingarnir! Ég elska næturvaktina! Þessir þættir eru bara snilld! Einu þættirnir sem ég fylgist með þessa dagana...:D

Það er ekkert skemmtilegt búið að gerast þessa vikuna.... Hún er búin að vera alveg ótrúlega lengi að líða og svo ótrúlega erfið eitthvað:$

Í dag eru mamma og pabbi að fara suður... þau eru að fara til Danmerkur á morgun og ég get endalaust svekkt mig á því að vera ekki að fara með! En jáá svona er það að vera í skóla enþá!!:( Fullt að læra og engin ferð til Köben:$

Bíð spennt eftir morgundeginum! Þá kemur Örn Steinar heim af sjónum og verður yfir eina nótt:haha: Svo tekur hann einn túr í viðbót og kemur svo í frítúúr!:D "GET EKKI BEÐIÐ":$

Um helgina verður nóg að gera:

Þarf að byrja að læra fyrir prófin..... ( þau eru víst að byrja á mánudaginn) Ekkert lítið sem ég á eftir að fara yfir.....Svo á laugardaginn 1.desember verður opnunarhátíð i´leikskólanum og eru auðvitað allir velkomnir að kíkja þangað og sjá breytingarnar og svo verða í boði veitingar og smá skemmtiatriði:haha: "Þetta er orðið alveg rosalega flott"

Annars fer alltaf að styttast meira og meira í jólin! Svo verð ég auðvitað tvítug í desember og ætla að sjálfsögðu að halda upp á það:haha:

En nenni enganveginn að hafa þetta lengra ætla að halda áfram að læra......

bæjóó8)

Læra læra.....

Sun, 25 Nov 2007 22:26:48 GMT

hæj8)

Ætla henda inn nokkrum línum svona rétt áður en ég fer að sofa.....

Þessi dagur er búin að vera alveg ágætur.... Svona miðað við hvaða dagur er:$

Ég vaknaði um hádegi og fór þá með Önnu mömmu Arnar og systkinum hans niður í skóla á einhvern svona aðventudag:D Þetta er voða sniðugt, þarna kemur fólkið með börnin sín getur keypt föndur (svona tré hluti til þess að mála) og piparkökur (sem þau geta líka málað) og svo er þeim útvegað málning og glassúr og svo sytja allir þarna saman hlusta á jólatónlist og föndra;) Voða cosy bara! Það var nú ekkert lítið gaman að vera þarna með þeim sérstaklega þegar krakkarnir fóru að mála piparkökurnar sínar;) Dagmar vandaði sig mjög mikið við að mála sínar en til að byrja með sletti Sigurjón bara einhverju á kökurnar og stakk þeim svo upp í sig og sagði svo við mömmu sína að það væri mikið skemmtilegra að éta þær:D Hann er ekkert rosalega ólíkur bróðir sínum;) Svo voru nokkrir krakkar úr tónlistarskólanum sem spiluðu á hljóðfærin sín og var Dagmar einmitt í þeim hópi spilaði Bjart er yfir Betlehem á clarenettið sitt ekkert smá flott hjá dúllunni:D

Þetta var semsagt mjög gaman:haha:

Eftir þetta fórum við smá út í búð og svo fór ég heim og reyndi að læra eitthvað..... Það er meira en nóg að gera hjá mér í þessum blessaða lærdómi enda fara prófin alveg að skella á:$ ég er að reyna að berjast í gegnum 2 þýskar bækur og mér finnst það ekkert vera að ganga!

Seinnipartinn fór ég svo með mömmu og pabba upp í kirkjugarð að leiðinu hennar ömmu Gurru, fórum með englastyttu þangað og ætluðum að kveikja á 5 kertum í minningu hennar því nú í dag er akkurat ár síðan við þurftum að kveðja hana:cry:

Svo fórum við saman á pottinn og pönnuna svo við þurftum ekki að elda því núna erum við mamma báðar á fullu að læra....

Annars er ekkert mikið að frétta af mér nema ég sit bara heima og tel niður dagana þangað til Örn Steinar kemur næst í land...

Ætla ekki að hafa þetta lengra

Kveðja Sara Lind

GLEÐIDAGUR Í BOLTANUM:)

Sat, 24 Nov 2007 18:46:13 GMT

*Já sæll8)*

Verð ég ekki að vera dugleg að blogga fyrst ég er komin með svona nýja fína síðu8)

Í dag var gleðidagur í boltanum:D

Jább mínir menn (Arsenal) unnu Wigan 2-0 og Man.U. Tapaði fyrir Bolton 1-0:D Jáhh strákar nú eruð þið vonandi búnir að sjá hvort liðið er nú betra svo þið getið farið að halda með Arsenal og svo getum við skellt okkur út á leik (humm Örn.... Hjalli:haha: ) Helga þú verður nú allavegana að standa með mér í þessum málum;)

Í dag á líka Anna mamma Arnar afmæli "Til hamingju með það Anna mín:haha:"

Ég skellti mér smá í heimsókn til Helgu í dag og var einmitt mjög gaman að vera viðstödd á þessu eina sanna Man. U heimili þegar Anelka ( gamli góði Arsenalmaðurinn) setti eitt mark fyrir Bolton:haha: Hehe...

Annars er eg búin að gera voða lítið í dag.... Þegar ég kom heim frá Helgu fór ég smá heim og fór svo með múttu minni út í búð að versla og fórum svo smá í Blómabúðina til Hrafnhildar og keyptum englastyttu sem við ætlum að láta á leiðið hjá Gurru ömmu á morgun en þá er einmitt ár síðan hún lést:cry:

Svo fer að styttast í það að mamma og pabbi fari út í heimsókn til Röggu syst og Dabba.... Ég get víst ekki komið út með þeim núna enda þarf ég að vera ein heima að læra á meðan því prófin eru alveg að skella á:$ Ahh hvað verður gott þegar þetta er búið8) ´Verð bara að býða spennt eftir að fá þau heim um jólin:haha: "sakna ykkar dúllurnar mínar"

En ætla ekki að hafa þetta mikið lengra í bil:haha:

:haha:Áfram Arsenal:haha:

Kominn aftur á blog.central:)

Fri, 23 Nov 2007 21:27:28 GMT

:lol:*GLEÐI GLEÐI GLEÐI*:lol:

Jáhh svona er þetta..... bloggar.is síðan mín var öll í einhverju rugli þannig að ég gafst bara upp og færði mig aftur yfir á blog.central.is til að geta bloggað eitthvað 8)

Af mér er allt gott að frétta;) Alltaf nóg að gera bæði í skóla og vinnu! Örn Steinar er alltaf úti á sjó en kemur samt alltaf heim einu sinni í viku! Það er líka eins gott, held ég mundi ekki meika að hafa hann mikið lengur í burtu frá mér:$ En samt alltaf jafn gott að fá hann heim;)

Það fer að styttast í prófin.... Get ekki beðið eftir að þetta verði allt saman búið! Eftir seinasta prófið ætlar Örn að taka sér frítúr og fá Önnu Rakel til sín í viku, svo verður haldið upp á tvítugsafmælið, Ragga og Dabbi koma heim og svo eru bara komin JÓL:D Þetta er allt svo fljótt að líða :haha:

Ég er ekki búin að vera dugleg að taka myndir upp á síðkastið.... Hleðslutækið af myndarvélinni minni var týnt í allt sumar en núna er það loksins fundið svo nú get ég farið að vera dugleg;)

Vikan var voða róleg...

Mánudagurinn fór í það að vinna, þjálfa og læra

Þriðjudagurinn fór í það að vinna, þjálfa, læra og fara í nudd

Miðvikudagurinn fór svo í það að vinna.... Eftir vinnu fór ég svo beint í klippingu og lét lýsa hárið á mér enþá meira.... (veit ekki hvar þetta á eftir að enda hehe er eiginlega bara orðin ljóshærð) Fór semsagt til hennar Þórdísar á nýju fínu stofuna hennar og er bara mjög ánægð:haha: Ekkert smá mikill verðmunur á klippingu hérna og í bænum! Svo um kvöldið var ég að sjá um opið hús hjá 8.-10.bekk!

Fimmtudagurinn var svo bara yndislegur....Eftir vinnu kom Örn og náði í mig og ég var auðvitað ekki búinn að sjá hann í VIKU.... Alltaf svo gott að fá hann í land þótt hann stoppi nú aldrei lengi...Við höfðum það bara cosy saman og svo þurfti hann að fara strax í morgun og ég í vinnuna að byrja að telja niður þangað til hann kemur næst:D

Dagurinn í dag er svo bara búin að fara í leti.... Eftir vinnu skrapp ég smá upp í apótek til múttu að finna afmælisgjöf fyrir Önnu mömmu Arnar og svo fór ég smá í búðina með mömmu og svo var farið heim og bakað pizzu eins og svo oft áður á föstudögum:haha: Alveg merkilegt hvað heimabakaðar pizzur eru mikið betri en keyptar!

En ætla ekki að hafa þetta mikið lengra í bili endilega verið dugleg að commenta:P